ولدي المجرم .... كيف اتعامل معه ؟؟ انقذوني

السلام عليكم


تعبت والله تعبت من ولدي الله يصلحه مجرم


دايم يضرب ويخرب ويحوس فشلني بالناس وشو اسوي

كل يوم والثاني جايتني شكوى ضده ضرب فلان ضرب فلانه

حوس خرب دمر

والله اني ارحمه ويكسر خاطري ماودي اعاقبه

يعني يسوي المصيبه ويجي متحسف ومنكسر وكانه ماسوا شي

بس انا اقول لازم اعاقبه وش اسوي يضرب ضرب مو طبيعي

امس ولد اخوي وسم على يده عضه قووويه مره وهاوشته وضربته وتادب

واليوم رجع يعض نفس الطفل من بطنه

ولد اخوي مدلع والكل يحبه وهو قريب من سن ولدي

بس اصغر منه بسنه واذا ضربه ولدي كل البيت يزعل ليش يضربه

و وولدي مصخها عجزت ادب فيه

اخرتها جاني قبل شوي معه قماش خانقه فيه يربيه والله تعبت منه ابكي الليل والنهار

انا عرف انها نتائج غيره وكل شي احاول اوفره له مااخلي عليه ناقص ابد

كل الي يبيه موفرته وحتى اخواني احذرهم دايم مايفرقون بينهم ولا يخلونه يغار ومع ذالك يضرب بشكل عدواني شرس وكانه مراهق وهو عمره بس خمس سنين

وطريقته بالخنق جديده توها باديه تظهر له كم يوم الاحظه يضغط اسنانه على بعض ويخنق الطفل الي قدامه وكانه ينتقم ومنقهر منه مع انه مافي شي يخليه ينقهر لهالدرجه

وايضا تعبني بالتبول اللااردي كل يوم

تكفون تكفووووووووووون ادعو له ملييييييييت والله ملييت

الله يصلحه من يوم عمره سنيتين وهو باين عليه انه عدواني لانه يضرب دايم ويعض وعجزت فيه بكل الاساليب ماقدرته

حنا نعاني من تفكك اسري بس هالشي مو بيدي مدري وش اسوي له


دخلته بروضة واخليه يداوم ويجي العصر الساعه 4 او 5 وينام الين من بكره

والله قلبي يتقطع عليه بس وشسوي تعبني عجزت اقدره ماابي ااعاقبه ارحمه ماابي اضربه


قبل شوي ضربته وكسر خاطري قعد يبكي يبكي لين نام


اكثر مايقهرني انه يضرب ويتحسف بسرعه


يقولي اذا ناقشته وقلت له ليش تضرب يقول انا مدري اذا جيت اضرب امسكيني

احس هالشي غصب عنه

بس الناس ماتفهم وانا عند اهلي الحين وماابيهم يتضايقون منه وهو فعلا تعبهم بالضرب