Mr.X
صاحب الموقع
رقم العضويه : 1
الابراج : 
عدد المشاركات : 1100
نقاط عضويتك : 3305
السٌّمعَة : 0
تاريخ الميلاد : 10/08/1994
التسجيل : 03/04/2009
العمر : 30
العمل/الترفيه : صاحب منتدى النجم العربى
 | موضوع: تنظيم القاعدة أهدر دمي.. فأصدرت بيانا بإهدار دم أبومصعب عبدالودود<2>  الجمعة 10 يوليو - 10:58 | |
|
علي باب الصالون..
تظهر ابنته الجميلة سارة.. وخلفها من يحمل فنجان القهوة الثاني..
وضعت قبلة علي رأس ويد والدها.. وانصرفت في هدوء.
- سألته: كيف كان رد فعل السيدة زوجتك وأولادك بعد أن أهدرت القاعدة دمك؟
> يقول عادل إمام ببساطة تجعلك تحبه وتحترمه أكثر: طبعا أولادي بشر.. اتضايقوا.. خاصة انهم عارفين كويس، القضية الفلسطينية بالنسبة لي إيه.
الخلاصة..
أنا من حقي أقول للجماعة بتوع حماس، يا اخواننا أنا ضد هذا الانشقاق الفلسطيني، وضد تحويل الدمار الكبير اللي حصل إلي نصر. كده تكون خدعة كبيرة جدا.
ولازم يكون مفهوم أن القضية لن تحل إلا من خلال مصر.
- ورأيك إيه في الهجوم الذي تعرضت له مصر، وهي تحاول إنقاذ الفلسطينيين؟
> يرد عادل إمام: حاجة غريبة.. ما حدش دافع عن مصر. حتي بعض المصريين جوه مصر موقفهم مش مفهوم، أنا تناقشت مع واحد من الاخوان المسلمين علي شاشة قناة المحور مع معتز الدمرداش. ألاقي الرجل منضم لأبومصعب عبدالودود.
> سألته: انت مصري.. والا اخواني؟!
يا نهار اسود..
تعرف قال إيه في الآخر؟
- قال: ما كانش وقته تقول تصريحاتك دي وتهاجم حماس في الوقت الحالي!!
>>>
يقول عادل إمام: أولادي مقتنعون تماما باللي باقوله وبعمله.
»وشوف.. خطاب الرئيس حسني مبارك كان قويا جدا. ولاقي شعبية كبيرة ولا تتخيلها، وده يدل علي وعي الشعب المصري«.
»والمظاهرات اللي قامت كانت من أجل غزة، والناس اللي بتموت هناك، ويا صديقي هذه المظاهرات لم تتم من أجل حماس، لا. قامت من أجل القضية الفلسطينية، ولم تكن المظاهرات في مصر فقط، بل في كل العالم، حتي في اسرائيل نفسها قامت مظاهرات تعترض علي قتل الأطفال في غزة«.
وبعدين تعالي شوف مؤتمر قطر.. ده كان علشان إيه.. ده المؤتمر كان علي بعد أمتار، من أكبر قاعدة أمريكية في المنطقة وعلي مستوي العالم، واللي بتزود اسرائيل بالسلاح والذخيرة. إيه. عايز إيه. وزعلانين قوي إنه ما جابوش سيرة قطر في البيان الختامي للمؤتمر الاقتصادي.
اسرائيل حاتعمل اللي هي عايزاه. ونجحت في ضم العالم ليها.
>>>
- أسأل عادل إمام: ما الرسالة التي تريد إرسالها للحكام العرب؟
> يرد علي الفور: هو امتي الحكام العرب كانوا في صف واحد؟ في أيام عبدالناصر.. من أيام الخلافة الإسلامية. من أيام سيدنا علي، من أيام الفتنة الكبري وقميص عثمان بن عفان، لغاية النهاردة العرب لم يهمدوا، العرب قعدوا يحاربوا بعض.
وحصل شيء غريب..
لقيت بلاد غير عربية داخلة في الموضوع »الله« حاننسي مش إيران دي أيام الشاه دافعوا عن اسرائيل واعترفوا بيها.
و اعترف جورسيل رئيس وزراء تركيا بإسرائيل من زمان. وعبدالناصر »شرشحوه«؟
بصرف النظر.. عارفين إن العالم بيتغير والناس بتتغير. والحكومات بتتغير. إذن هناك حراك وسياسات عالمية بتغيير، لكنه تغيير محسوب ولمصلحتهم دايما. احنا في المنطقة بتاعتنا مفيش حاجة بتتغير. جمود أو خناقات.
يا راجل..
ده يوم شيراك ما اتخانق مع توني بلير.
- قال له : الجبنة بتاعتكم وحشة!
> رد عليه قال له: لا.. ده السمك بتاعكم والرنجة بتاعتكم. مش قد كده!
فاكر الخناقة دي؟
>>>
قبل النهاية..
يطلق عادل إمام القنبلة قائلا: القادة دول لازم يمشوا، وييجي ناس تانيين خالص. القادة الفلسطينيين لازم يمشوا، كله يمشي، ما عملوش حاجة، القضية كل شوية عمالة تبوظ، ياناس شوفوا خريطة اسرائيل من سنة ٧٤ زادت قد إيه.. ومصر هي رمانة الميزان في القضية دي.
وييجي ناس يشتمونا.. ويتهمونا بأننا عملاء وخونة.. احنا مصر!
أقولك..
أزمة غزة كشفت بوضوح إن الشعب متوحد مع الحكومة في موقفها.. مفيش مانع من المعارضة. من حق المعارضة أن تتصيد الأخطاء للحكومة.. إنما في حالة زي دي. لابد أن أكون مصريا يا أخي.
لكن لما بعض الصحف المصرية تستعدي الشعب علي النظام يبقي تخريب.
أحد أصدقائي وكان صحفي في روز اليوسف. وكنت باحبه جدا. عندما انقلب الي معارض. قريت له مرة واتنين وثلاثة. لكن خلاص بقي لازم يكون فيه سقف، الله، مش كده يعني.
طيب ما أنا باقول اللي عايزه في أفلامي. هو حد عمل أفلام جريئة زيي. ما احبش أتكلم عن نفسي.
والناس حاسة بأفلامي. وعارفه اللي باعمله، وبيحبوني، وعلي فكرة شعب الجزائر بيحبني أكثر من الرجل اللي اسمه أبومصعب ده.
>>>
القاعدة طولت..
ليس تنظيم القاعدة.. لكن »قعدتي« مع عادل إمام!
والدكتور حسن شرشر. أقدم أصدقاء عادل إمام يغمز لي، بأن ننصرف ونتركه ليستريح.
وعادل إمام يفهمها - من يومه - وهي طايرة.
قبل أن ينهي الحديث، يلقي لي بتليفونه المحمول.
افتكرته هدية..
لكنه يبتسم ابتسامة واسعة..
> قائلا: المحمول بتاعي أهوه.. خده اقرأ فيه شوية رسائل جاتني بعد إهدار دمي.
وقرأت بعض هذه الرسائل..
رسائل كثيرة من فلسطين من غزة.
تقول في مجملها: كلنا نحبك.. ونحترمك!
رسالة أخري تقول لعادل إمام: دمك هو دم كل إنسان عربي أسعدته.. أما الأقزام فقد تعودوا التسلق علي أكتاف القمم!
رسالة أخري: يا زعيم.. نحن فداك.. فلان الفلاني!
رسالة خامسة: ولا يهمك يا زعيم!
رسالة أخري: كلنا بنحبك.. كلنا وراك.
رسالة بالانجليزية: نحن نحبك.. ونؤيدك.. ونحترم كل آرائك.
رسالة واضح أنها من مصري: قسما بالله انت زعيم.. ربنا يسعدك ويوفقك!
>>>
النهاية..
سلامات.. وأحضان.. وقبلات..
لكن علي الباب استوقفني عادل إمام.
ومد يده قائلا: التليفون.. يا جميل | |
|
